Offizielle Webseite des Hockey-Club Salvenach-Jeuss - Home

ST Mutzebügler - HCSJ Plauschteam 2:3 (1:0 1:2 0:1)

Matchbericht

Samstag 30. September 2017 - Plauschsaison

Das HCSJ Plauschteam gewinnt erstes Spiel!
Dr HC Salvenach-Jeuss het am Smaschtig 30.09.2017 ds erschte Spiu vo däre Saison gäge d Mutzebügler plöischlet.

2 Linie he mir mit fründlicher Ungerstützig usem Team SCHL chönne steuä (#1 Daniel Furger, #10 Hans Berger, #14 Christian Kunz, #8 Samuel Messer).

Spass isch programm hei mir üs uf d Stirnä gschribe und si entspächend frohen Gemütes uf e "Biz" und ids erschtä Drittu iigstige. Mir hei auso plöischlet: Das heisst ir Verteidigung plöischlet, bim Pässle plöischlet und bim Abschluss - äbe plöischlet.

Es isch de no cheibe lang gange het z #97 sich bis zum Furgler düre-büglet und mir hei das gar nid so plöischlig gfunde si mir i Rückstand grate.

Auso hei mir gseit, dass mir im zwöite Drittu besser wei Pässle, schnäuer Loufe und äbe ou einisch wei Skore. Tatsächlich hei mir Positione ghaute und eigentlich immer dominierend vorem gägnerische Goal ume gstürmt und de nach gfüehlte 100 Aalöif ä Träffer glandet.

Dr Lirgg mit em #11 het sich ar rächte Bande sehenswärt dür 3 Spieler düregsetzt und dr Puck bis vors Loch treit - dr Roth mit em #13 het ne dankend Bäckhänd ine gstocheret. Dr Usgliich het guet da, drum heimer aui zäme e Zagge zuegleit und es isch du gar nid lang gange, si mir z dritte höch vorem Keeper gstange wo dr Ändu mit em #13 uf e Pass vom #11 dr Phippu us em Louf het abdrückt und dr Puck versänkt het. Fröide herrscht!

Mit emene guete Gfüehl si mir i d Pouse und hei das mit ids letschte Drittu gnoh. Salvenach het ernöit dominiert, wo inere Ungerzau Situation die beide Flüguspieler i Aagriff si tüüset; aber eher unentschlosse - wüu äbe ir ungerzau - dr Puck hei verlore und ds #97 vo dr blaue Linie e Bömber unger d Latte het gschmätteret. 

Macht nüüt; mir hei no lang Zyt und unzähligi Chance erarbeitet, wos du ändlech ou mit em Päscu Schütz usem dritte Standbei het klappet. 2:3 Endstand, mir hei gwunne und z auer Wichtigschte isch: es het gfägt!

Merci viu mau für dä toll Iisatz!

HCSJ Plauschteam: #1 Daniel Furger (Tor), #4 Joel Burger, #7 Pascal Schütz, #8 Samuel Messer, #10 Hans Berger, #11 Philipp Lirgg, #13 Andreas Roth, #14 Christian Kunz, #16 Matthias Müller, #20 Kevin Burger, #24 Roland von Arx

Tore:
MB: 99/11, 97/10
HCSJ: 13/11, 13/11, 7/4

Strafen:
MB 99, 97, 81, 81,

HCSJ 24, 16

A/R

So sehen Gewinner aus - Gratulation!
So sehen Gewinner aus - Gratulation!

Bilder

  • Saison 2018/2017 Plauschteam
  • Saison 2018/2017 Plauschteam
  • Saison 2018/2017 Plauschteam
  • Saison 2018/2017 Plauschteam
  • Saison 2018/2017 Plauschteam
  • Saison 2018/2017 Plauschteam
  • Saison 2018/2017 Plauschteam
  • Saison 2018/2017 Plauschteam
  • Saison 2018/2017 Plauschteam
  • Saison 2018/2017 Plauschteam
  • Saison 2018/2017 Plauschteam
  • Saison 2018/2017 Plauschteam
  • Saison 2018/2017 Plauschteam
  • Saison 2018/2017 Plauschteam
  • Saison 2018/2017 Plauschteam
  • Saison 2018/2017 Plauschteam